برئاسة المستشار : محمد الدعيج
* اجراءات امنية شديدة جداً وجميع افراد الحرس من مفتونين العضلات و مقنعين
* اثناء سؤال المستشار القاضي المتهم : عبدالرحمن صباح قرر للقاضي عن التهم المنسوبة اليه اقر و اعترف بها و بسؤاله السيد المستشار المتهم ما اذا كان الاعتراف الذي ادلى به بمحض ارادته دون ضغط او تهديد قرر له بالايجاب وتم مناقشة الاعتراف كالتالي ؛
القاضي : اشرح لي شنو صار بالضبظ معاك انا اليوم ياي اسمعك وقول الي تبيه
المتهم : الي حصل اني تلقيت اتصال من التظيم
القاضي مقاطعاً : اي تنظيم ؟
المتهم : تنظيم داعش
القاضي : شعلاقتك فيهم !
المتهم : انا عضو بالتنظيم و بايعت ابو بكر البغدادي
القاضي : أكمل
المتهم : تلقيت اتصال منهم في ثاني يوم رمضان بعد الفطور و قالوا لي ان راح تصير عملية بالكويت في وقت قريب و من ثم انقطع الاتصال
القاضي : بعدين شنو صار
المتهم : اتصل على القباع و قال لي انا الي كلموني الجماعة اني اتواصل معاك بخصوص العملية
القاضي مقاطعاً : انت تعرف القباع
المتهم : لا ما اعرفه الي اعرفه انه اسمه بو سليمان و عرفت اسمه بعدين بأمن الدولة
القاضي : بعدين شصار
المتهم : قالي راح نوصل لك حزام ناسف من منفذ نويصيب و انتظر مني اتصال و انقطع الخط وبعدين اتصل علي و قالي اطلع من بيتكم و روح عند مطعم رحال و انزل للبر بمسافة ٥٠ متر و تلاقي صندوق اي بوكس بداخله الحزام الناسف . رحت للمكان ما لقيت شي و بعدها رجعت عند مطعم رحال واتصلت عليه وقلت له اني ما لقيت شي هناك و قالي ارجع نفس المكان راح تلاقي سيارة نوع هوندا لوحاتها سعودية موجودة بالمكان و الحقها و بالفعل رجعت للمكان و لقيت السيارة الي قالي عنها . ولما شافتني حركت و لحقتها لمسافة و بعدين لفت حوالين صندوق آيس بوكس لون ابيض فرة و بعدين راحت بسرعة و نزلت اخذت الصندوق و حطيته بسيارتي و رحت لبيتنا في منطقة الصليبية و حطيت الصندوق الآيس بوكس في سيارة قديمة داخل كراج بيتنا
القاضي : كمل بعدين شصار
المتهم : اتصل علي القباع و قالي انه راح يجي الكويت و قالي الوعد عند فندق كروان بلازا بالفروانية ورحت له واخذته ورحتا لبيتنا بمنطقة الصليبية
القاضي مقاطعاً : شنو دار بينكم بالسيارة ؟ اكيد عن العملية
المتهم : لا كانت امور اجتماعية بحته شلونك شخبارك شلون السعودية و من هالكلام
القاضي : المهم شصار بعدين
المتهم : وصلنا البيت و قال لي القباع انه يوعان يبي يتسحر وطلبت له من مطعم و ووصل الاكل تسحر و نام
القاضي : وبعدين شصار ؟
المتهم : قعدنا الساعه ١٠ الصبح ودخل القباع الحمام و حلق و تسبح و يبت له الصندوق فيه الحزام الناسف
القاضي مقاطعاً: اوصف لي الحزام
المتهم : عبارة عن درع يطلع منه سلكين موصلين بزرين اذا ضغطهم مع بعض ينفجر
القاضي مقاطعاً : واذا ضغط زر واحد ينفجر
المتهم : لا
القاضي : يعني سيفتي
اثناء ذلك ضحك بعض الجمهور مما قاله السيد المستشار
القاضي : انت و انت و انت و انت وانت بره حرس طلعوهم
تم اخراج بعض الحضور الى الخارج من ضمنهم محاميين
القاضي : انزين عبدالرحمن جم وزن الحزام و قالك القباع مكان العملية
المتهم : الحزام وزنه ٣٥ كيلوا تقريبا و ما ادري انه العملية راح تكون بمسجد
القاضي : شلون وصلك ان العملية راح تكون بمسجد
المتهم : لما كنت البس القباع الحزام قال لي ان العملية راح تكون بمسجد انا ترددت اول شي شلون تكون بمسجد بس لما قال لي ان بمسجد شيعة وافقت
القاضي : ليش وافقت لما عرفت انه مسجد للطائفة الشيعية
المتهم : لانهم شاركوا في قتل السنه في العراق وسوريا......
القاضي مقاطع : كمل عقب ما لبست القباع الحزام شصار ؟
المتهم : طلب مني اييب له دشداشه من دشاديشي ويبت له
القاضي : ليش
المتهم : لان الحزام راح يبين واهوا ضعيف و انا متين ودشاديشي وسيعة عليه علشان ما يبين الحزام
القاضي : شنو لون الدشاشه
المتهم : سماوي
القاضي : بعدين
المتهم : ركبنا السيارة و رحنا للمسجد
القاضي : شنو الحوار الي دار بينكم بالطريج
المتهم : قالي احسبني من الشهداء
القاضي : طبعا تعرف مسجد الامام الصادق وين مكانه
المتهم : لا ما اعرف
القاضي : شلون وصلت له
المتهم : من برنامج قوقل ايرث في الاحداثيات
القاضي : وبعدين شصار
المتهم : وصلنا عند المكان لكن الناس توها كانت تدخل المسجد وقالي القباع افتر شوي على ما يدخلون الناس و اخذت فره بشارع الخليج وبعدين قطيته على بعد ٨ دقايق مشي من المسجد
القاضي : طبعا حركت لما تأكدت فجر نفسه
المتهم : لا قطيته و مشيت على طول
القاضي : بعدين شنو صار
المتهم : حركت ورحت الصليبية بيتنا ووصلت ونمت و قعدت على صلاة المغرب و عرفت من التلفزيون والتويتر انه الي ماتوا ٢٧ واحد لكن انا متحسف انا كان مو قصدي يموتون ناس بس افجر المسجد
القاضي : مع انه في طرق ثانية تهدمون مساجد ليش القنبلة يعني
المتهم : هذا الي صار
القاضي : عبدالرحمن الكلام الي قاعد تقوله في احد اجبرك عليه
المتهم : لا
القاضي : يعني بمحض ارادتك ؟
المتهم : نعم بمحض ارادتي
القاضي مخاطباً امين سر الجلسة : ثبت ان المحكمة سألت المتهم عن التهمة و اعترف فيها بمحض اردته
المتهم مقاطعاً : ازيدك من الشعر بيت
القاضي : قول
المتهم : هذول الي وياي (مؤشرا على باقي المتهمين ) ما اعرف ما لهم شغل بالموضوع
القاضي : مو انت مناديهم بامن الدولة
المتهم : لانهم طقوني وخلوني اقول انهم معاي !
القاضي : شلون صادوك يا عبدالرحمن
المتهم : اخوي كان عليه قيد امني وبلغوني انه امسكوه مع الي معاه بشقه بالسالمية مع ٣ من ربعه اهنيه رحت الشقه ما لقيته و بعدها بلغوني انه الشرطة جوا واخذوا امي من البيت لما رحت البيت فعلا لقيت الباب مكسور و البيت معفوس وبعدها حاشني تأنيب الضمير انه امي ما لها شغل و انا المسئول عن الي صار فكرت اني اسلم نفسي بمخفر الصليبية بس كانت زوجتي عند خالها بالرقه قلت اسلم عليها و اسلم نفسي ولما وصلت الرقه اقبضوا علي
القاضي لامين السر : ثبت اعترافه ؟
امين السر : اي نعم سعادتك
الدفاع : مكتب المحامين خالد العبدالجليل و ثامر الجدعي و غيرهم بتوكيل رسمي صادر من بعض المتهمين للمحاميين استلمهم القاضي و حضر عن المدعيين بالحق المدني مكتب عبدالحميد الصراف و خلف زيد العنزي و مجموعه من المحامين و قدموا سند الوكالة
والمحاميين المدافعين عن المتهمين طلبوا اجل للاطلاع و الرد مع التصريح بتصوير ملف القضية
قررت المحكمة : تأجيل الجلسة لجلسة الخميس الموافق ٦-٨-٢٠١٥ و الرد من قبل الدفاع مع التصريح بالتصوير
* اجراءات امنية شديدة جداً وجميع افراد الحرس من مفتونين العضلات و مقنعين
* اثناء سؤال المستشار القاضي المتهم : عبدالرحمن صباح قرر للقاضي عن التهم المنسوبة اليه اقر و اعترف بها و بسؤاله السيد المستشار المتهم ما اذا كان الاعتراف الذي ادلى به بمحض ارادته دون ضغط او تهديد قرر له بالايجاب وتم مناقشة الاعتراف كالتالي ؛
القاضي : اشرح لي شنو صار بالضبظ معاك انا اليوم ياي اسمعك وقول الي تبيه
المتهم : الي حصل اني تلقيت اتصال من التظيم
القاضي مقاطعاً : اي تنظيم ؟
المتهم : تنظيم داعش
القاضي : شعلاقتك فيهم !
المتهم : انا عضو بالتنظيم و بايعت ابو بكر البغدادي
القاضي : أكمل
المتهم : تلقيت اتصال منهم في ثاني يوم رمضان بعد الفطور و قالوا لي ان راح تصير عملية بالكويت في وقت قريب و من ثم انقطع الاتصال
القاضي : بعدين شنو صار
المتهم : اتصل على القباع و قال لي انا الي كلموني الجماعة اني اتواصل معاك بخصوص العملية
القاضي مقاطعاً : انت تعرف القباع
المتهم : لا ما اعرفه الي اعرفه انه اسمه بو سليمان و عرفت اسمه بعدين بأمن الدولة
القاضي : بعدين شصار
المتهم : قالي راح نوصل لك حزام ناسف من منفذ نويصيب و انتظر مني اتصال و انقطع الخط وبعدين اتصل علي و قالي اطلع من بيتكم و روح عند مطعم رحال و انزل للبر بمسافة ٥٠ متر و تلاقي صندوق اي بوكس بداخله الحزام الناسف . رحت للمكان ما لقيت شي و بعدها رجعت عند مطعم رحال واتصلت عليه وقلت له اني ما لقيت شي هناك و قالي ارجع نفس المكان راح تلاقي سيارة نوع هوندا لوحاتها سعودية موجودة بالمكان و الحقها و بالفعل رجعت للمكان و لقيت السيارة الي قالي عنها . ولما شافتني حركت و لحقتها لمسافة و بعدين لفت حوالين صندوق آيس بوكس لون ابيض فرة و بعدين راحت بسرعة و نزلت اخذت الصندوق و حطيته بسيارتي و رحت لبيتنا في منطقة الصليبية و حطيت الصندوق الآيس بوكس في سيارة قديمة داخل كراج بيتنا
القاضي : كمل بعدين شصار
المتهم : اتصل علي القباع و قالي انه راح يجي الكويت و قالي الوعد عند فندق كروان بلازا بالفروانية ورحت له واخذته ورحتا لبيتنا بمنطقة الصليبية
القاضي مقاطعاً : شنو دار بينكم بالسيارة ؟ اكيد عن العملية
المتهم : لا كانت امور اجتماعية بحته شلونك شخبارك شلون السعودية و من هالكلام
القاضي : المهم شصار بعدين
المتهم : وصلنا البيت و قال لي القباع انه يوعان يبي يتسحر وطلبت له من مطعم و ووصل الاكل تسحر و نام
القاضي : وبعدين شصار ؟
المتهم : قعدنا الساعه ١٠ الصبح ودخل القباع الحمام و حلق و تسبح و يبت له الصندوق فيه الحزام الناسف
القاضي مقاطعاً: اوصف لي الحزام
المتهم : عبارة عن درع يطلع منه سلكين موصلين بزرين اذا ضغطهم مع بعض ينفجر
القاضي مقاطعاً : واذا ضغط زر واحد ينفجر
المتهم : لا
القاضي : يعني سيفتي
اثناء ذلك ضحك بعض الجمهور مما قاله السيد المستشار
القاضي : انت و انت و انت و انت وانت بره حرس طلعوهم
تم اخراج بعض الحضور الى الخارج من ضمنهم محاميين
القاضي : انزين عبدالرحمن جم وزن الحزام و قالك القباع مكان العملية
المتهم : الحزام وزنه ٣٥ كيلوا تقريبا و ما ادري انه العملية راح تكون بمسجد
القاضي : شلون وصلك ان العملية راح تكون بمسجد
المتهم : لما كنت البس القباع الحزام قال لي ان العملية راح تكون بمسجد انا ترددت اول شي شلون تكون بمسجد بس لما قال لي ان بمسجد شيعة وافقت
القاضي : ليش وافقت لما عرفت انه مسجد للطائفة الشيعية
المتهم : لانهم شاركوا في قتل السنه في العراق وسوريا......
القاضي مقاطع : كمل عقب ما لبست القباع الحزام شصار ؟
المتهم : طلب مني اييب له دشداشه من دشاديشي ويبت له
القاضي : ليش
المتهم : لان الحزام راح يبين واهوا ضعيف و انا متين ودشاديشي وسيعة عليه علشان ما يبين الحزام
القاضي : شنو لون الدشاشه
المتهم : سماوي
القاضي : بعدين
المتهم : ركبنا السيارة و رحنا للمسجد
القاضي : شنو الحوار الي دار بينكم بالطريج
المتهم : قالي احسبني من الشهداء
القاضي : طبعا تعرف مسجد الامام الصادق وين مكانه
المتهم : لا ما اعرف
القاضي : شلون وصلت له
المتهم : من برنامج قوقل ايرث في الاحداثيات
القاضي : وبعدين شصار
المتهم : وصلنا عند المكان لكن الناس توها كانت تدخل المسجد وقالي القباع افتر شوي على ما يدخلون الناس و اخذت فره بشارع الخليج وبعدين قطيته على بعد ٨ دقايق مشي من المسجد
القاضي : طبعا حركت لما تأكدت فجر نفسه
المتهم : لا قطيته و مشيت على طول
القاضي : بعدين شنو صار
المتهم : حركت ورحت الصليبية بيتنا ووصلت ونمت و قعدت على صلاة المغرب و عرفت من التلفزيون والتويتر انه الي ماتوا ٢٧ واحد لكن انا متحسف انا كان مو قصدي يموتون ناس بس افجر المسجد
القاضي : مع انه في طرق ثانية تهدمون مساجد ليش القنبلة يعني
المتهم : هذا الي صار
القاضي : عبدالرحمن الكلام الي قاعد تقوله في احد اجبرك عليه
المتهم : لا
القاضي : يعني بمحض ارادتك ؟
المتهم : نعم بمحض ارادتي
القاضي مخاطباً امين سر الجلسة : ثبت ان المحكمة سألت المتهم عن التهمة و اعترف فيها بمحض اردته
المتهم مقاطعاً : ازيدك من الشعر بيت
القاضي : قول
المتهم : هذول الي وياي (مؤشرا على باقي المتهمين ) ما اعرف ما لهم شغل بالموضوع
القاضي : مو انت مناديهم بامن الدولة
المتهم : لانهم طقوني وخلوني اقول انهم معاي !
القاضي : شلون صادوك يا عبدالرحمن
المتهم : اخوي كان عليه قيد امني وبلغوني انه امسكوه مع الي معاه بشقه بالسالمية مع ٣ من ربعه اهنيه رحت الشقه ما لقيته و بعدها بلغوني انه الشرطة جوا واخذوا امي من البيت لما رحت البيت فعلا لقيت الباب مكسور و البيت معفوس وبعدها حاشني تأنيب الضمير انه امي ما لها شغل و انا المسئول عن الي صار فكرت اني اسلم نفسي بمخفر الصليبية بس كانت زوجتي عند خالها بالرقه قلت اسلم عليها و اسلم نفسي ولما وصلت الرقه اقبضوا علي
القاضي لامين السر : ثبت اعترافه ؟
امين السر : اي نعم سعادتك
الدفاع : مكتب المحامين خالد العبدالجليل و ثامر الجدعي و غيرهم بتوكيل رسمي صادر من بعض المتهمين للمحاميين استلمهم القاضي و حضر عن المدعيين بالحق المدني مكتب عبدالحميد الصراف و خلف زيد العنزي و مجموعه من المحامين و قدموا سند الوكالة
والمحاميين المدافعين عن المتهمين طلبوا اجل للاطلاع و الرد مع التصريح بتصوير ملف القضية
قررت المحكمة : تأجيل الجلسة لجلسة الخميس الموافق ٦-٨-٢٠١٥ و الرد من قبل الدفاع مع التصريح بالتصوير
